Azərbaycanda təşkil edilən BMT-nin Ümumdünya Şəhərsalma Forumunun 13-cü Sessiyası (WUF13) geniş beynəlxalq iştirakla diqqət çəkir.
Elpress.az-ın Azərtac.az-a istinadən verdiyi məlumata əsasən Fransanın Azərbaycandakı səfiri Sofi Laqut bildirib ki, WUF13 forumu böyük uğur əldə edib. Onun sözlərinə görə, tədbirdə iştirak edən və qeydiyyatdan keçən qonaqların sayı rekord səviyyəyə yaxın olub ki, bu da forumun aktuallığını və əhəmiyyətini nümayiş etdirir.Səfir vurğulayıb ki, mənzil böhranı dünyanın bütün ölkə və cəmiyyətlərini əhatə edən qlobal problemdir və bu məsələ ortaq həll yollarının tapılmasını zəruri edir.Diplomatın fikrincə, səmərəli və dayanıqlı həllərin hazırlanması üçün qabaqcıl təcrübələrin paylaşılması və problemlərin açıq şəkildə müzakirəsi xüsusi önəm daşıyır. O qeyd edib ki, WUF13 forumu da məhz bu məqsədə xidmət edir.
