Ukraynanın PUA hücumundan sonra Rusiyanın iri taxıl terminallarında əməliyyatlar dayandırılıb
Elpress.az xəbər verir ki, Rusiyanın Novorossiysk limanında iki böyük taxıl terminalının fəaliyyəti Ukraynanın PUA hücumlarından sonra müvəqqəti dayandırılıb.“Reuters”in sənaye mənbələrinə istinadən yaydığı məlumata görə, illik ixrac gücü 8,5 milyon ton olan “Demetra” və 7,1 milyon ton gücündə NKHP terminallarında əməliyyatlar avqustun 12-nə keçən gecə baş verən hücumların ardından dayandırılıb. “Demetra” terminalında zərərin qeydə alındığı və vəziyyətin qiymətləndirildiyi bildirilib. Novorossiysk limanı Rusiyanın taxıl ixracında mühüm rol oynayır. Qara dənizdə son dövrlərdə liman və ixrac infrastrukturlarına hücumların artması taxıl daşımalarına və qlobal əmtəə axınlarına təsir göstərir.
