Aysel Əlibəyli
23 İyul 2026 · 01:52
1048 baxış
İraqın Ərbil şəhərində bir-birinin ardınca baş verən güclü partlayışlar bölgədə narahatlığa səbəb olub.
Elpress.az xəbər verir ki, hadisədən dərhal sonra hava hücumundan müdafiə sistemləri aktivləşdirilib. Məlumata görə, səmada aşkar edilən pilotsuz uçuş aparatları zərərsizləşdirilib.
İlkin məlumatlara əsasən, hücumun hədəfi Ərbil Beynəlxalq Hava Limanının yaxınlığında yerləşən və ABŞ hərbçilərinin istifadə etdiyi hərbi obyekt olub.
Hazırda hadisə ilə bağlı araşdırmalar davam edir. İndiyədək ölən, yaralanan və ya dağıntılarla bağlı rəsmi məlumat açıqlanmayıb.
