Süni intellekt texnologiyalarının inkişafı kibercinayətkarların imkanlarını genişləndirə və yeni təhlükəsizlik problemləri yarada bilər. “Microsoft”un qurucusu Bill Qeyts yaxın illərdə bu sahədə ciddi risklərin meydana çıxacağını düşünür.
Elpress.az xəbər verir ki, Qeyts CNN-ə müsahibəsində 2027-ci ildə ən nəzərəçarpan dəyişikliklərin kiberhücumlarla bağlı ola biləcəyini bildirib.
O qeyd edib ki, kibercinayətkarlıq artıq pul tələb etmək və fond bazarına təsir göstərmək üçün istifadə olunan üsulları əhatə edir. Yeni süni intellekt modellərinin artan imkanları, təhlükəsizlik məhdudiyyətlərinin kifayət qədər olmaması və cinayətkarların fəallığı gələcəkdə gözlənilməz problemlərə səbəb ola bilər.
Bununla yanaşı, Qeyts süni intellektin nəzarətdən çıxmasını hazırda bəşəriyyətin qarşısındakı ən aktual təhlükə saymır. Onun fikrincə, bu texnologiyanın dünya miqyasında geniş təsir yaradacaq səviyyəyə çatmasına hələ bir neçə il var.
