Niderlandda aparılan araşdırmalar zamanı məşhur fransız muşketyoru d’Artanyana aid olduğu ehtimal edilən skelet qalıqları yenidən müzakirə mövzusuna çevrilib.
Elpress.az xəbər verir ki, Niderlandın Maastrixt şəhərində yerləşən kilsələrdən birində aşkarlanan skelet qalıqlarının məşhur fransız muşketyoru d’Artanyana məxsus ola biləcəyi ilə bağlı araşdırmalar davam edir. Mütəxəssislər əldə olunan tapıntıları ətraflı şəkildə təhlil etsələr də, hələlik qalıqların kimə aid olması barədə yekun nəticəyə gəlməyiblər.Maastrixt meriyasının yaydığı məlumata əsasən, tədqiqatda iştirak edən ekspertlər arasında sümüklərin həqiqətən d’Artanyana aid olub-olmaması ilə bağlı ortaq fikir formalaşmayıb. Bu səbəbdən araşdırmaların davam etdirilməsi və əlavə elmi sübutların əldə olunması nəzərdə tutulur.Qeyd edək ki, tapıntı tarixçilər və arxeoloqlar arasında böyük maraq doğurub. Lakin indiki mərhələdə məşhur muşketyorun qalıqlarının tapıldığı barədə qəti nəticə çıxarmağın mümkün olmadığı bildirilir.
