Dünyada əhali tərkibinin dəyişməsi ilə bağlı mühüm dönüş proqnozlaşdırılır.
65 yaşdan yuxarı şəxslərlə bağlı dünyada diqqətçəkən dəyişikliklərin baş verəcəyi gözlənilir. Elpress.az -ın milli.az – aistinadən verilən məlumata görə, mütəxəssislər hesab edir ki, 2030-cu ilədək 65 yaş və üzəri insanların sayı gənc əhalini geridə qoyacaq. Hətta yaşlıların sayının 5 yaşdan kiçik uşaqlardan iki dəfə çox olacağı proqnozlaşdırılır.Birləşmiş Millətlər Təşkilatının açıqladığı proqnozlar bir çox ölkədə sosial siyasətin yenilənməsini gündəmə gətirib. Xüsusilə Avropa və Asiya ölkələri sürətlə qocalan əhali ilə bağlı yeni həll yolları axtarır.Qurumun hesablamalarına əsasən, dünya əhalisinin sayı 2030-cu ildə 8,5 milyarda, 2050-ci ildə isə 9,7 milyarda çatacaq. 2100-cü ildə bu göstəricinin 10,4 milyard olacağı ehtimal edilir.Məlumata görə, yaxın illərdə 65 yaşdan yuxarı insanların sayı 15-24 yaş arası gəncləri üstələyəcək. Bununla yanaşı, yaşlı əhalinin sayı azyaşlı uşaqların sayından iki dəfə artıq olacaq.Araşdırmalar göstərir ki, 2050-ci ildə dünyada yaşayan yaşlı insanların sayı 1,6 milyarda yüksələcək. Bu halda onların dünya əhalisindəki payı 16 faizdən çox təşkil edəcək.BMT-nin “2023 Dünya Sosial Hesabatı”nda bildirilir ki, ən yaşlı əhali əsasən Asiya və Avropa ölkələrində yaşayır. Siyahıda əhalisinin 30 faizi 65 yaşdan yuxarı olan Yaponiya ilk sıradadır. İtaliya 23 faizlə ikinci yerdə qərarlaşıb. Finlandiya, Portuqaliya və Yunanıstanda isə bu göstərici 22 faizə yaxındır.Ekspertlər hesab edirlər ki, gələcəkdə Honq-Konq və Cənubi Koreyada yaşlı əhalinin payı 40 faizə qədər yüksələrək Yaponiyanı da qabaqlaya bilər.Mütəxəssislərin sözlərinə görə, inkişaf etməkdə olan ölkələrdə əhalinin yaşlanması daha sürətli tempdə davam edir. 2050-ci ilə qədər yaşlı insanların böyük hissəsinin məhz bu ölkələrdə yaşayacağı gözlənilir.BMT yaşlı insanların ehtiyaclarına uyğun səhiyyə və sosial xidmətlərin genişləndirilməsinin vacibliyini vurğulayır. Xüsusilə demensiya kimi xəstəliklərdən əziyyət çəkən şəxslərə dəstəyin artırılması əsas prioritetlərdən biri kimi göstərilir.
