Bəzi ərazilərdə şimşək çaxıb, küləyin sürəti saniyədə 20 metrə çatıb
Elpress.az xəbər verir ki, Avqustun 30-da ölkə ərazisində hava şəraiti əsasən yağmursuz keçib. Lakin bəzi dağlıq və dağətəyi rayonlarda yağış və qısamüddətli leysan müşahidə olunub.Milli Hidrometeorologiya Xidmətinin məlumatına görə, axşam və gecə saatlarında ayrı-ayrı ərazilərdə yağış yağıb və şimşək çaxıb. Ağstafada 7 millimetr yağıntı qeydə alınıb. Daşkəsən, Gəncə, Tovuz, Şəmkir, Ceyrançöl, Zaqatala və Göyçayda isə yağıntının miqdarı 1 millimetrədək olub.Ölkənin bəzi ərazilərində şimal-qərb küləyi müşahidə edilib. Küləyin maksimal sürəti Culfa və Neftçalada saniyədə 20 metrə, Bakıda və Abşeron yarımadasında isə 17 metrə çatıb.Havanın temperaturu Bakıda və Abşeron yarımadasında 31, Naxçıvan Muxtar Respublikasında 35, Aran rayonlarında 36, dağlıq ərazilərdə isə 26 dərəcəyədək yüksəlib.
