Abbas Əraqçi Vaşinqtonun mövqeyini Tehranda müzakirə edəcək
Elpress.az xəbər verir ki, İranın xarici işlər naziri Abbas Əraqçi ABŞ-ın Tehran və Vaşinqton arasında etimadın yaradılmasına yönəlmiş yeddi günlük planla bağlı cavabını alıb.Məlumata görə, cavab Əraqçiyə Dohada Qətərin vasitəçiliyi ilə təqdim olunub. İran xarici işlər nazirinin ABŞ-ın mövqeyini sentyabrın 30-da Tehranda müzakirə edəcəyi gözlənilir.Danışıqlardan xəbərdar olan rəsminin bildirdiyinə görə, tərəflər arasında yayılan sənəddə iyun ayında İran və ABŞ arasında razılaşdırılmış anlaşma memorandumunun daha geniş variantına qayıtmaq məqsədilə yeddi günlük etimad mərhələsinin yaradılması nəzərdə tutulur.Sənəddə İranın nüvə proqramı ilə bağlı konkret addımların da yer aldığı bildirilir. Tərəflər arasında əsas fikir ayrılığının planın məzmunundan deyil, nəzərdə tutulan tədbirlərin hansı ardıcıllıqla həyata keçirilməsindən qaynaqlandığı qeyd olunub.Qeyd edək ki, İran ötən həftə ABŞ-a yeddi günlük təklif təqdim edib. ABŞ Prezidenti Donald Tramp daha sonra təklifi rədd edib. Bundan sonra Qətərin vasitəçilik səyləri davam etdirilib.
