Azərbaycan Ordusunda 2026-cı ilin hazırlıq planına uyğun olaraq kompüter dəstəkli komanda-qərargah təlimi keçirilir.
Elpress.az xəbər verir ki, Müdafiə Nazirliyinin baş idarə və idarələri, qoşun və qüvvə növləri, eləcə də Əlahiddə Ümumqoşun Ordusunun qərargahlarının cəlb olunduğu təlimdə hərbi qərar qəbuletmə prosesinə uyğun fəaliyyətlər icra olunur.
Noyabrın 3-də müdafiə naziri, general-polkovnik Zakir Həsənov videobağlantı vasitəsilə qərargahların məruzələrini dinləyib.
Nazir Prezident, Silahlı Qüvvələrin Ali Baş Komandanı İlham Əliyevin Azərbaycan Ordusunun fəaliyyətindən razılığını diqqətə çatdırıb və qarşıya qoyulan tapşırıqları çatdırıb.
Təlimin əsas məqsədi komandir heyətinin qərar qəbuletmə bacarıqlarını inkişaf etdirmək, həmçinin hərbi bölmələrin imkan və qabiliyyətlərini simulyatorlar vasitəsilə məşq etdirməkdir. Təlim zamanı müasir hərbi təhdidlər və döyüş təcrübəsi də nəzərə alınır.
