Parlament rəsmisi: 3 illik bakalavr sistemi üçün 12 illik orta təhsilə keçid lazımdır
Elpress.az xəbər verir ki, Azərbaycanda mövcud təhsil sistemi çərçivəsində bakalavriat pilləsinin üç ilə endirilməsi mümkün hesab edilmir.Milli Məclisin Elm və təhsil komitəsinin iclasında parlamentin Sosial qanunvericilik şöbəsinin müdiri Adil Vəliyev bildirib ki, üç illik bakalavriat modeli bir sıra Avropa ölkələrində tətbiq olunur.Onun sözlərinə görə, Azərbaycanda tam orta təhsil 11 il davam etdiyi halda, bir çox ölkələrdə bu müddət 12 ildir. Bu səbəbdən hazırkı təhsil modeli dəyişdirilmədən üç illik bakalavriat sisteminə keçid mümkün deyil.Adil Vəliyev qeyd edib ki, Azərbaycanda 12 illik tam orta təhsilə keçid təmin edilərsə, paralel olaraq üç illik bakalavriat proqramlarının tətbiqi nəzərdən keçirilə bilər.Komitənin iclasında deputatlar Ceyhun Məmmədov və Fariz İsmayılzadə də təhsil müddətinin azaldılması və üç illik bakalavriat proqramlarına keçidlə bağlı təkliflər səsləndiriblər.
