Rusiyada fəaliyyət göstərən “Samara Vilayəti Azərbaycanlıları Liqası”nın sədri Şirvan Kərimov Rusiya vətəndaşlığından məhrum edilib.
Elpress.az xəbər verir ki, “Samara Vilayəti Azərbaycanlıları Liqası” ictimai təşkilatının sədri Şirvan Kərimovun Rusiya vətəndaşlığı ləğv edilib. Qərarın hansı əsasla qəbul edildiyi isə hələlik açıqlanmayıb.Bildirilib ki, Şirvan Kərimov hazırda Samara vilayəti İctimai Palatasının üzvü olmaqla yanaşı, “Pravovoy Sovetnik” Samara Vəkillər Kollegiyasında vəkil kimi fəaliyyət göstərir.Məlumatda qeyd olunur ki, son dövrlər Rusiya hüquq-mühafizə orqanları ölkədə fəaliyyət göstərən Azərbaycan diasporunun nümayəndələrinə nəzarəti artırıb. Bildirilir ki, aparılan yoxlamalar çərçivəsində onların etnik mütəşəkkil cinayətkar qruplarla mümkün əlaqələri araşdırılır.Xatırladaq ki, ötən il Ulyanovsk vilayətində Azərbaycan diasporunun rəhbəri İslam Hüseynov, bu ilin fevralında isə İvanovo vilayətində diaspor rəhbəri Asif Məmmədov da Rusiya vətəndaşlığından məhrum edilmişdi.
