Aysel Əlibəyli
12 Oktyabr 2026 · 21:00
1016 baxış
Abşeron rayonunun Masazır qəsəbəsində bir neçə avtomobilin yandırılması ilə bağlı şübhəli şəxslər saxlanılıb. Fakt üzrə ibtidai istintaq davam edir.
Elpress.az xəbər verir ki, özgə əmlakını qəsdən məhv etməkdə şübhəli bilinən şəxslər Dövlət Təhlükəsizliyi Xidmətinin əməkdaşları tərəfindən tutulublar.
Hadisə oktyabrın 10-da baş verib. Yanğın nəticəsində “Mercedes”, “Lada” və “Hyundai” markalı avtomobillərin yanar hissələri, “Renault” markalı avtomobil isə qismən zədələnib. Yüksək temperatur “Baic” markalı avtomobilin arxa işığına da zərər vurub.
Hazırda iş üzrə sübutlar toplanır və istintaq hərəkətləri aparılır.
