Aysel Əlibəyli
12 Oktyabr 2026 · 16:52
1026 baxış
Ucar rayonunda Bakı-Qazax magistralında “İkarus” markalı sərnişin avtobusunda yanğın baş verib. Hadisə səbəbindən yolun Bakı istiqamətində hərəkət müvəqqəti məhdudlaşdırılıb.
Elpress.az APA-ya istinadən xəbər verir ki, hadisə magistralın Qarabörk kəndindən keçən hissəsində qeydə alınıb.
Əraziyə Fövqəladə Hallar Nazirliyinin Ucar Rayon Yanğından Mühafizə Hissəsinin əməkdaşları cəlb olunub. Yanğın söndürüldükdən sonra yolda nəqliyyatın hərəkəti bərpa edilib.
Hadisə nəticəsində xəsarət alan olmayıb. Faktla bağlı araşdırma aparılır.
