Elpress.az xəbər verir ki, Bakı Dövlət Universitetinin (BDU) nəzdində fəaliyyət göstərən “Gənc istedadlar” liseyinin şagirdləri beynəlxalq olimpiadalarda növbəti uğurlara imza atıblar.
Liseyin XI sinif şagirdi Elman Kərimli 58-ci Beynəlxalq Kimya Olimpiadasında (IChO 2026) Azərbaycanı uğurla təmsil edərək bürünc medal qazanıb. Respublika Fənn Olimpiadasının qızıl medalçısı olan Elman daha əvvəl 60-cı Beynəlxalq Mendeleyev Kimya Olimpiadasında da bürünc medala layiq görülüb.
Liseyin IX sinif şagirdi Məhəmməd Abdulla isə Bolqarıstanın Varna şəhərində keçirilən XII Avropa Coğrafiya Olimpiadasında üçüncü yeri tutaraq bürünc medal əldə edib. O, həmçinin Moskva şəhərində təşkil olunan II Beynəlxalq Açıq Coğrafiya Olimpiadasının da bürünc medalçısıdır.
Qeyd edək ki, lisey şagirdlərinin beynəlxalq yarışlardakı növbəti uğurları Azərbaycanın elm və təhsil sahəsində əldə etdiyi nailiyyətlərə daha bir töhfə kimi qiymətləndirilir.
