Suriyada keçirilən əməliyyatda İŞİD liderlərindən biri məhv edilib
ABŞ Mərkəzi Komandanlığı (CENTCOM) Suriyanın şimal-qərbində həyata keçirdiyi hava əməliyyatı nəticəsində İŞİD-in yüksək rütbəli liderlərindən birinin öldürüldüyünü açıqlayıb.Məlumata görə, iyunun 19-da həyata keçirilən dəqiq zərbə nəticəsində terror qruplaşmasının rəhbər şəxslərindən biri Əli Hüseyn əl-Üleyvi məhv edilib.CENTCOM bildirib ki, əməliyyat ABŞ vətəndaşlarına, ölkə ərazisinə və müttəfiqlərinə qarşı hücum hazırlayan terrorçuların fəaliyyətinin qarşısının alınması məqsədi daşıyır. Qeyd olunub ki, ABŞ qüvvələri regional tərəfdaşlarla əməkdaşlıq çərçivəsində İŞİD-in qalıqlarına qarşı mübarizəni davam etdirir.CENTCOM komandanı admiral Bred Kuper bildirib ki, ABŞ və tərəfdaşları İŞİD-in tamamilə məğlub edilməsi üçün təşkilatın qalıqlarını aradan qaldırmaq istiqamətində fəaliyyətlərini davam etdirəcəklər.
