Prezident Azərbaycanın yəhudi icmasına bayram münasibətilə təbrik məktubu göndərib
Elpress.az xəbər verir ki, Prezident İlham Əliyev Azərbaycanın yəhudi icmasına yəhudi xalqının əlamətdar bayramlarından biri olan Roş ha-Şana münasibətilə təbrik məktubu ünvanlayıb.Təbrik məktubunda Azərbaycanın tarixən müxtəlif xalqların və dini icmaların birgə yaşadığı, qarşılıqlı hörmət, etimad, dostluq və qardaşlıq ənənələrinin formalaşdığı ölkə olduğu vurğulanıb.Dövlət başçısı müasir Azərbaycanda insanların dini, etnik və dil mənsubiyyətindən asılı olmayaraq hüquq və azadlıqlarının qorunması üçün şərait yaradıldığını qeyd edib. Yəhudi icmasının da ölkənin ictimai və mədəni həyatında fəal iştirak etdiyi, öz milli-mənəvi dəyərlərini, dilini və mədəniyyətini qoruduğu bildirilib.Prezident Roş ha-Şananın yenilik, mənəvi saflıq, xeyirxahlıq və həmrəylik rəmzi olduğunu qeyd edərək yəhudi icmasının üzvlərinə və ailələrinə xoşbəxtlik, firavanlıq və bərəkət arzulayıb.
