Şərqi Zəngəzurda dayanıqlı şəhər inkişafı üzrə layihəyə dair saziş qüvvəyə minəcək
Elpress.az xəbər verir ki, Prezident İlham Əliyev Azərbaycan Hökuməti ilə Birləşmiş Millətlər Təşkilatının Məskunlaşma Proqramı arasında imzalanmış Töhfə Sazişinin təsdiq edilməsi ilə bağlı Fərman imzalayıb.Sənəd Şərqi Zəngəzur iqtisadi rayonunda ağıllı, davamlı və inklüziv yaşayış məntəqələrinin yaradılması, eləcə də dayanıqlı şəhər inkişafı üçün inteqrə olunmuş ərazi planlaşdırılmasını nəzərdə tutan layihənin icrasına aiddir.Saziş qüvvəyə mindikdən sonra onun müddəalarının həyata keçirilməsi Dövlət Şəhərsalma və Arxitektura Komitəsinə həvalə olunacaq. Xarici İşlər Nazirliyi isə sənədin qüvvəyə minməsi üçün zəruri dövlətdaxili prosedurların tamamlandığı barədə BMT-nin Məskunlaşma Proqramının Katibliyinə bildiriş göndərəcək.Qeyd edək ki, Töhfə Sazişi 15 iyul 2026-cı ildə Nyu-Yorkda imzalanıb.
