Azərbaycan Hərbi Dəniz Qüvvələri Pakistan nümayəndə heyətini qəbul edib
Pakistan İslam Respublikası Milli Müdafiə Universitetinin rəhbər heyəti, eləcə də “Milli Təhlükəsizlik və Müharibə kursu-26”nın dinləyici və professor-müəllim heyətinin Azərbaycana səfəri davam edir.Səfər çərçivəsində Pakistan nümayəndə heyəti Azərbaycan Hərbi Dəniz Qüvvələrini (HDQ) ziyarət edib.Görüş zamanı Azərbaycan HDQ komandanı kontr-admiral Şahin Məmmədov qonaqlarla görüşərək qüvvələrin fəaliyyəti, qarşıya qoyulan vəzifələr və həyata keçirilən işlər barədə ətraflı məlumat verib. Nümayəndə heyətinin sualları cavablandırılıb.Səfər proqramına uyğun olaraq, qonaqlar HDQ-nin Dəniz Hərəkat Mərkəzində dəniz fəaliyyətlərinin monitorinqi, təhlükəsizlik tədbirlərinin təşkili, idarəetmə və koordinasiya prosesləri ilə tanış olublar.
