Azərbaycan və İordaniya arasında münasibətlərin inkişafı istiqamətində daha bir mühüm sənəd imzalanıb.
Elpress.az xəbər verir ki, Azərbaycanın xarici işlər naziri Ceyhun Bayramov və İordaniyanın xarici işlər naziri Əymən Əs-Safadi iki ölkənin ümumvətəndaş pasportu sahibləri üçün qarşılıqlı viza rejiminin ləğvini nəzərdə tutan sazişi imzalayıblar.
Razılaşmaya əsasən, sənəd qüvvəyə mindikdən sonra hər iki ölkənin vətəndaşları qarşılıqlı səfərlər zamanı viza almaq öhdəliyindən azad olunacaqlar.
Tərəflər bununla yanaşı, energetika sahəsində əməkdaşlığın genişləndirilməsini hədəfləyən Anlaşma Memorandumuna da imza atıblar. Sənəd iki ölkə arasında enerji sektorunda təcrübə mübadiləsi və birgə layihələrin həyata keçirilməsi üçün yeni imkanlar yaradacaq.
Qeyd edək ki, imzalanan sənədlər Azərbaycan və İordaniya arasında siyasi, iqtisadi və humanitar əlaqələrin daha da möhkəmlənməsinə xidmət edir.
