Metro qatarlarının son reysi başa çatdıqdan sonra stansiyalarda sərnişinlərin görmədiyi genişmiqyaslı təmizlik və hazırlıq işlərinə start verilir.
Elpress.az xəbər verir ki, bununla bağlı Bakı Metropoliteni sosial şəbəkə hesabında maraqlı görüntülər paylaşıb.
Bildirilib ki, iş vaxtı bitdikdən sonra stansiyaların platformaları, keçidlər, giriş-çıxış hissələri və digər sahələr xüsusi avadanlıqlarla təmizlənir, dezinfeksiya olunur və növbəti iş günü üçün hazır vəziyyətə gətirilir.
Qeyd olunub ki, bu proseslərin əsas məqsədi sərnişinlər üçün təmiz, təhlükəsiz və sağlam mühitin təmin edilməsidir. Metro rəhbərliyi vurğulayıb ki, sərnişinlərin hər gün istifadə etdiyi səliqəli stansiyalar görünməyən, lakin böyük zəhmət tələb edən gecə işlərinin nəticəsidir.
Paylaşılan görüntülər sosial şəbəkələrdə maraqla qarşılanıb və istifadəçilər metro əməkdaşlarının əməyini yüksək qiymətləndiriblər.
