Elpress.az xəbər verir ki, 3 sentyabr Azərbaycan dövlətçilik tarixində mühüm siyasi hadisə ilə yadda qalıb.
1991-ci ilin bu günü görkəmli dövlət xadimi Heydər Əliyev Naxçıvan Muxtar Respublikası Ali Məclisinin Sədri seçilib.Həmin gün Ali Məclisin fövqəladə sessiyası keçirilib. Sessiyada iştirak edən deputatlarla yanaşı, iclas zalının qarşısına toplaşan minlərlə vətəndaş da Heydər Əliyevin Ali Məclisə rəhbərlik etməsini tələb edib.Nəticədə Heydər Əliyev Ali Məclisin Sədri seçilib. Bu hadisə Azərbaycanın müstəqilliyə doğru irəlilədiyi mürəkkəb siyasi dövrdə mühüm dönüş nöqtələrindən biri kimi qiymətləndirilir.
Naxçıvanda həmin dövrdə qəbul edilən mühüm siyasi qərarlar Azərbaycanın dövlət müstəqilliyinin bərpası istiqamətində atılan addımların əsasını təşkil edib.3 sentyabr 1991-ci il həmçinin Heydər Əliyevə xalqın böyük etimadının nümayişi və onun siyasi fəaliyyətində yeni mərhələnin başlanğıcı kimi tarixə düşüb.
