Ermənistan Azərbaycan və Türkiyə ilə dövlətlərarası əlaqələrin qurulması istiqamətində addımlar atır
Elpress.az xəbər verir ki, Ermənistan Azərbaycan və Türkiyə ilə dövlətlərarası münasibətlərin formalaşdırılması istiqamətində irəliləyiş əldə olunduğunu açıqlayıb. Bunu Ermənistanın Baş naziri Nikol Paşinyan “ŞƏT plyus” formatında keçirilən görüşdə çıxışı zamanı bildirib.Paşinyan qeyd edib ki, Ermənistan çoxqütblü və balanslaşdırılmış xarici siyasət yürüdür. Onun sözlərinə görə, bu siyasətin əsas məqsədi ölkənin suverenliyini və müstəqilliyini qorumaq və möhkəmləndirməkdir.Ermənistan hökumətinin qonşu ölkələrlə münasibətlərə xüsusi diqqət ayırdığını deyən Paşinyan İran və Gürcüstanla dostluq əlaqələrinin dərinləşdirildiyini, Azərbaycan və Türkiyə ilə isə dövlətlərarası münasibətlərin qurulması istiqamətində işlərin davam etdiyini vurğulayıb.Baş nazir Ermənistanla Azərbaycan arasında sülhün təmin olunmasının regionda kommunikasiyaların açılması üçün yeni imkanlar yaratdığını bildirib. O, bu çərçivədə TRIPP layihəsinin həyata keçirilməsinin nəzərdə tutulduğunu deyib.Paşinyanın sözlərinə görə, yeni nəqliyyat bağlantıları Şərqlə Qərbi — Xəzər dənizi ilə Aralıq dənizini, eləcə də Cənubla Şimalı — Fars körfəzi ilə Qara dənizi birləşdirən marşrutların inkişafına imkan verə bilər.
