Aysel Əlibəyli
03 Oktyabr 2026 · 21:03
1042 baxış
Türkiyənin Şanlıurfa şəhərində 2,5 kilometr uzunluğunda “Azərbaycan Bulvarı” istifadəyə verilib. Yeni yol layihəsi şəhərdə nəqliyyatın hərəkətinin rahatlaşdırılmasına xidmət edəcək.
Elpress.az xəbər verir ki, bunu Türkiyə Prezidenti Rəcəb Tayyib Ərdoğan Şanlıurfa Şəhər Xəstəxanasının açılış mərasimində çıxışı zamanı bildirib.
Onun sözlərinə görə, xəstəxana və birləşdirici yollarla yanaşı, 2,5 kilometr uzunluğunda “Azərbaycan Bulvarı” və müxtəlif səviyyəli yol qovşağı da istifadəyə verilib.
Ərdoğan yeni yol qovşağının şəhərdə nəqliyyat sıxlığının azalmasına töhfə verəcəyini qeyd edib və layihənin icrasında iştirak edən aidiyyəti qurumlara təşəkkürünü bildirib.
