Rusiya Prezidentinin mətbuat katibi Dmitri Peskov Ermənistanın Avrasiya İqtisadi İttifaqına (Aİİ) üzvlüyü ilə bağlı müəyyən məsələlərin hələ də aydınlaşdırılmalı olduğunu bildirib. Onun sözlərinə görə, mövzu ətrafında əlavə izahat və dəqiqləşdirmələrə ehtiyac qalır.
Elpress.az-ın Apa.az-a istinadən verdiyi məlumata əsasən, Rusiya Prezidentinin mətbuat katibi Dmitri Peskov Ermənistanın Avrasiya İqtisadi İttifaqındakı fəaliyyəti ilə bağlı müəyyən məqamların dəqiqləşdirilməsinə ehtiyac olduğunu bildirib.Kremlin sözçüsü qeyd edib ki, Aİİ Şurasının gündəliyi Ermənistan ətrafındakı vəziyyət səbəbindən kifayət qədər mürəkkəbdir. O vurğulayıb ki, hazırkı sammit İrəvanın təşkilatdakı gələcəyini müəyyən etməyəcək və Ermənistan Aİİ tədbirlərində iştirakını davam etdirəcək.Peskovun sözlərinə görə, Ermənistan hazırda Avrasiya İqtisadi İttifaqından müəyyən üstünlüklər əldə edir, lakin eyni imkanların Avropa İttifaqında olub-olmayacağı bəlli deyil. O əlavə edib ki, Ermənistanın atdığı addımlar digər ölkələrin inteqrasiya prosesinə maneə yaratmamalıdır.Kremlin nümayəndəsi həmçinin bildirib ki, hazırda Rusiya Prezidenti Vladimir Putinlə Ermənistanın Baş naziri Nikol Paşinyan arasında planlaşdırılmış görüş və ya telefon danışığı nəzərdə tutulmur.
