Elm və təhsil naziri sentyabrın 18-də Yardımlıda üç rayonun sakinləri ilə görüşəcək
Elpress.az xəbər verir ki, Elm və təhsil naziri Emin Əmrullayev sentyabrın 18-də Yardımlı şəhərində vətəndaşların müraciətlərini dinləyəcək.Elm və Təhsil Nazirliyinin məlumatına görə, qəbulda Yardımlı ilə yanaşı, Masallı və Cəlilabad rayonlarının sakinləri də iştirak edə bilərlər.Qəbula yazılmaq istəyən vətəndaşlar sentyabrın 8-i saat 18:00-dək Elm və Təhsil Nazirliyinin Çağrı Mərkəzinin 146-11 nömrəsi ilə əlaqə saxlamalıdırlar. Müraciətlər yalnız iş günləri və iş saatlarında qəbul edilir.Vətəndaşlar həmçinin nazirliyin rəsmi internet səhifəsindəki elektron müraciət bölməsi vasitəsilə və ya “WhatsApp” üzərindən müəyyən edilmiş əlaqə nömrəsinə müraciət göndərməklə qeydiyyatdan keçə bilərlər.Nazirlə görüşdə iştirak etmək üçün əvvəlcədən qeydiyyatdan keçmək tələb olunur.
