Azərbaycan Respublikasının Prezidenti İlham Əliyev sentyabrın 23-də İsveç Krallığının Azərbaycanda yeni təyin olunmuş fövqəladə və səlahiyyətli səfiri Luis Morsinqi qəbul edib.
Elpress.az xəbər verir ki, görüş zamanı səfir etimadnaməsini dövlətimizin başçısına təqdim edib.Prezident İlham Əliyev səfirlə söhbətində Azərbaycanla İsveç arasında ikitərəfli münasibətlərin qarşıdakı illərdə də uğurla inkişaf edəcəyinə və yeni əməkdaşlıq istiqamətlərinin müəyyənləşdiriləcəyinə ümid etdiyini bildirib.Dövlət başçısı müxtəlif səviyyələrdə qarşılıqlı səfər və görüşlərin əhəmiyyətini vurğulayıb. O, həmçinin investisiya, ticarət və biznes sahələrində əməkdaşlıq üçün geniş imkanların olduğunu qeyd edib
Prezident İlham Əliyev səfirə diplomatik fəaliyyətində uğurlar arzulayıb.Luis Morsinq isə qəbul üçün dövlət başçısına təşəkkürünü bildirib və Azərbaycanla İsveç arasında əlaqələrin daha da genişləndirilməsi istiqamətində səylə çalışacağını vurğulayıb.
