Binəqədi Tibb Mərkəzinin baş tibb bacısı səhiyyə əməkdaşlarına göstərilən diqqətin əhəmiyyətindən danışıb
Elpress.az xəbər verir ki, Tibb işçilərinin əməyinin qiymətləndirilməsi və onların sosial rifahının yaxşılaşdırılması istiqamətində həyata keçirilən tədbirlər səhiyyə əməkdaşları tərəfindən yüksək dəyərləndirilir.Binəqədi Tibb Mərkəzinin baş tibb bacısı Mənsurə Əliyeva bildirib ki, səhiyyə sahəsində çalışanlara göstərilən diqqət və qayğı onların peşə fəaliyyətinə əlavə stimul verir.Onun sözlərinə görə, tibb işçilərinin sosial rifahının gücləndirilməsi və əməyinin qiymətləndirilməsi dövlət səviyyəsində diqqətdə saxlanılır. O, səhiyyə sahəsinin inkişafına, insan sağlamlığının qorunmasına yönəlmiş təşəbbüslərə və tibb əməkdaşlarının fəaliyyətinə verilən yüksək qiymətə görə təşəkkürünü ifadə edib.Mənsurə Əliyeva qeyd edib ki, tibb işçilərinin əməyinin belə şəkildə qiymətləndirilməsi onların peşələrinə bağlılığını və məsuliyyət hissini daha da gücləndirir. Onun sözlərinə görə, səhiyyə əməkdaşları ən çətin və məsuliyyətli şəraitdə insanların sağlamlığının qorunması üçün fəaliyyət göstərirlər.Baş tibb bacısı bundan sonra da tibb işçilərinin vətəndaşlara keyfiyyətli xidmət göstərilməsi, tibbi xidmətlərin səviyyəsinin yüksəldilməsi və insanların sağlamlığının qorunması istiqamətində öz vəzifələrini məsuliyyətlə davam etdirəcəklərini bildirib.
