Aysel Əlibəyli
14 Sentyabr 2026 · 09:14
1259 baxış
Elpress.az bu dəfə oxucularına şair Əli Hacı Ağaevlinin qələmindən çıxan, ömrün ötəriliyi, eşqin izləri, itkilər və insanın özünə gecikmiş dönüşünü əks etdirən təsirli şeiri təqdim edir.
Yarın dilin öyrənirdim,
Bir də gördüm,ömür bitib !
Eşq önündə gördüm bədən,
Odun yanıb,kömür bitib !
Heyif əkdiyim ağaca,
Göz yaşımdan duzu yedi !
Heyif yolları salana,
Söz daşıdım,yol yeyildi !
Daha yazdan son bahara,
Ölümə qapı açmışam !
Özümü görmədən keçdim,
Özüm,özümə acmışam !
