Nurani kimi tanınan jurnalist uzun sürən xəstəlikdən sonra dünyasını dəyişib
Elpress.az xəbər verir ki, Əməkdar jurnalist Tofiqəxanım Qasımova, mətbuatda “Nurani” imzası ilə tanınan jurnalist, uzun sürən xəstəlikdən sonra vəfat edib.Məlumata görə, jurnalistin vida mərasimi bu gün saat 12:00-da Təzə Pir məscidində keçiriləcək. Onun nəşinin saat 13:00-da Yasamal qəbiristanlığında dəfn olunacağı bildirilib.Qeyd edək ki, Tofiqəxanım Qasımova onkoloji xəstəlikdən əziyyət çəkirdi.Jurnalist fəaliyyətinə 1992-ci ildə başlayıb. O, müxtəlif dövrlərdə “Yurddaş”, “Ayna” və “Zerkalo” nəşrlərində çalışıb, daha sonra “Exo” qəzetinin beynəlxalq həyat şöbəsinə rəhbərlik edib.Nurani son illərdə “Minval Politika” xəbər portalında redaktor və siyasi şərhçi kimi fəaliyyət göstərib. O, Azərbaycan jurnalistikasında uzunmüddətli peşəkar fəaliyyəti ilə tanınıb.
