Meysəri kəndində keçirilən festival iki gün davam edəcək
Elpress.az xəbər verir ki, Şamaxının Meysəri kəndində V Üzüm və Şərab Festivalı keçirilir.İki gün davam edəcək tədbir yerli üzümçülük və şərabçılığın inkişafının təşviqi məqsədilə təşkil olunub. Festival çərçivəsində yerli şərab məhsullarının tanıdılması və ixrac imkanlarının genişləndirilməsi, Azərbaycanın üzümçülük və şərabçılıq tarixinin təbliği, həmçinin regionun turizm potensialının artırılması nəzərdə tutulur.Tədbir iştirakçıları üzümçülük və şərabçılıq sahəsində görülən işlərlə, eləcə də Azərbaycanın turizm imkanları ilə tanış ola biləcəklər. Festival proqramına müxtəlif əyləncə və şou proqramları da daxildir.Axşam saatlarında Roza Zərgərli, Kazım Can, Joseph U.O və DJ Kamonun iştirakı ilə musiqi proqramı təqdim ediləcək.
