Mədəniyyət və İncəsənət Universiteti beynəlxalq mübadilə və innovasiya proqramlarını yeni mərhələyə keçirir.
Elpress.az xəbər verir ki, Azərbaycan Dövlət Mədəniyyət və İncəsənət Universiteti (ADMİU) beynəlxalq akademik əlaqələrin inkişafı məqsədilə xarici universitetlər və beynəlxalq təşkilatlarla əməkdaşlıq layihələrini genişləndirir.Universitet Türk Universitetlər Birliyi (TÜRKÜNİB) və Qara Dəniz Universitetləri Şəbəkəsi (BSUN) çərçivəsində tələbə və müəllim mübadiləsi, birgə elmi layihələr və təcrübə proqramlarını həyata keçirir. Orhun Mübadilə Proqramı vasitəsilə də akademik əməkdaşlığın gücləndirilməsi istiqamətində işlər davam etdirilir.
Bundan əlavə, ADMİU-nun İnnovasiya və Sahibkarlıq Mərkəzi startap və rəqəmsal layihələrin inkişafına dəstək verir. Universitet Türkiyə, Özbəkistan, Qazaxıstan və digər ölkələrin ali təhsil müəssisələri ilə əməkdaşlıq edərək təhsil və yaradıcı sənayelər sahəsində beynəlxalq təcrübənin tətbiqini genişləndirir.
