Bakıda Azərbaycan və Pakistan arasında əməkdaşlıq çərçivəsində beynəlxalq məhkəmə təlim proqramı təşkil olunub.
Elpress.az xəbər verir ki, Bakıda Ədliyyə Nazirliyinin əməkdaşları, hakimlər və məhkəmə işçilərinin iştirakı ilə “Hakim Peşəkarlığı: Rəhbər Səviyyəli Məhkəmə Təlim Proqramı” adlı beynəlxalq təlim keçirilib.Təlim Azərbaycan Ədliyyə Nazirliyi ilə Pakistanın Hüquq və Ədliyyə Nazirliyi arasında imzalanmış Əməkdaşlıq Proqramı çərçivəsində təşkil olunub. Tədbirdə Pakistanın hüquq və ədliyyə üzrə dövlət naziri Aqil Malikin rəhbərlik etdiyi nümayəndə heyəti, Ali Məhkəmənin hakimləri və digər beynəlxalq ekspertlər iştirak ediblər.
Proqram çərçivəsində hüquq və məhkəmə sahəsində təcrübə mübadiləsi aparılıb, 20-dən çox nümayəndə iştirak edib. Bildirilib ki, növbəti beynəlxalq təlimin cari ilin oktyabr ayında Pakistanda keçirilməsi planlaşdırılır.
