Türk pop musiqisinin əfsanəvi simalarından olan Sezen Aksu bu gün doğum gününü qeyd edir.
Elpress.az-ın Kulis.az-a istinadən verdiyi məlumata əsasən, Türkiyə musiqisinin ən nüfuzlu sənətçilərindən biri hesab edilən Sezen Aksu yarım əsrə yaxın davam edən yaradıcılığı ilə milyonlarla dinləyicinin sevgisini qazanıb.Əsl adı Fatma Sezen Yıldırım olan sənətçi təkcə ifaçı kimi deyil, həm də bəstəkar və söz müəllifi kimi türk musiqisinin inkişafında mühüm rol oynayıb. O, sevgi, ayrılıq, ümid və həyatın müxtəlif duyğularını mahnıları ilə dinləyicilərə çatdıraraq “Türk pop musiqisinin anası” kimi tanınıb.Rəna Nevzatın onun haqqında qələmə aldığı yazıda qeyd olunur ki, Sezen Aksu Türkiyənin son yarım əsrlik tarixinin canlı musiqi arxivinə çevrilib. Müəllif vurğulayır ki, sənətçinin mahnıları bəzən bütöv bir romanın ifadə edə biləcəyi hissləri bir neçə misrada dinləyiciyə çatdırmağı bacarır.
