Türkiyə, Gürcüstan və İraqdan olan 50 nəfərlik nümayəndə heyəti Qarabağa səfər edib
Elpress.az xəbər verir ki, Mənəvi Dəyərlərin Təbliği Fondunun təşkilatçılığı ilə “Zəfərin yolu: Qələbənin izi ilə” layihəsi çərçivəsində Türkiyə, Gürcüstan və İraqdan olan azərbaycanlı din xadimlərinin Qarabağa səfəri başlayıb.Səfərdə ümumilikdə 50 nəfərlik nümayəndə heyəti iştirak edir. Nümayəndə heyətinin üzvləri səfər proqramı çərçivəsində Azərbaycanın mədəniyyət paytaxtı Şuşa şəhərinə gəliblər.Qonaqlar Şuşanın tarixi və mədəni irsi, dini-mənəvi abidələri və təbiəti ilə tanış olacaqlar. Həmçinin şəhərin işğaldan azad edilməsindən sonra həyata keçirilən genişmiqyaslı bərpa və quruculuq layihələri barədə məlumat əldə edəcəklər.Səfər proqramına Yuxarı Gövhər Ağa, Aşağı Gövhər Ağa, Saatlı və Mamayı məscidlərinin ziyarəti daxildir. Nümayəndə heyətinin üzvlərinin Molla Pənah Vaqifin muzey-məqbərə kompleksinə baş çəkməsi və Cıdır düzündən Şuşanın mənzərələrini seyr etməsi də nəzərdə tutulur.
