Doktorantura və dissertantura səviyyəsində xarici dil üzrə qəbul imtahanları təşkil olunub, nəticələrin açıqlanacağı tarix məlumdur
Doktorantura və dissertantura səviyyəsində xarici dil üzrə qəbul imtahanı və fəlsəfə doktoru imtahanı keçirilib.İmtahanlar Bakı və Naxçıvan şəhərlərində təşkil olunub. İştirakçıların xarici dil bilikləri və dilə yiyələnmə səviyyəsinin qiymətləndirilməsi məqsədilə onlara müxtəlif bölmələr üzrə tapşırıqlar təqdim edilib.İmtahan proqramına oxuyub-anlama, dinləyib-anlama, dildən istifadə – leksik və qrammatik tapşırıqlar, eləcə də yazı bloku üzrə esse yazısı daxil edilib.Bildirilib ki, imtahan nəticələri danışıq mərhələsi və yazılı tapşırıqların yoxlanılması prosesi yekunlaşdıqdan sonra 4 həftə ərzində elan ediləcək.Qeyd olunub ki, xarici dil üzrə fəlsəfə doktoru imtahanında məqbul nəticə əldə etmək üçün tələb olunan minimal bal 30-dur. Qiymətləndirmə zamanı bölmələr üzrə müəyyən edilmiş 2 bal məhdudiyyəti də nəzərə alınacaq.
