Gürcüstanda “Asaval-Dasavali” qəzetinin jurnalisti Domenti (Dito) Çubinidze barəsində iki ay müddətinə həbs qətimkan tədbiri seçilib.
Elpress.az xəbər verir ki, Tbilisi Şəhər Məhkəməsi prokurorluğun vəsatətini təmin edib. Qərarı hakim Eka Barbadze qəbul edib. Məhkəmə iclasında iştirak edən jurnalist ona qarşı irəli sürülən ittihamları qəbul etmədiyini bildirib.
Çubinidze dövlətə xəyanət və təxribat ittihamları ilə oktyabrın 22-də saxlanılıb. İstintaqın iddiasına görə, o, 2026-cı ilin fevralından etibarən müxtəlif media vasitələri və sosial platformalarda Gürcüstanın Baş nazirinin gizli razılaşma əsasında David Qareci (Keşikçidağ) monastır kompleksinin bir hissəsini Azərbaycana verməsi barədə məlumatlar yayıb.
Gürcüstan Baş Prokurorluğu həmin iddiaları həqiqətə uyğun olmayan məlumatlar kimi qiymətləndirir. İttihamlar sübuta yetirilərsə, jurnalisti dörd ilədək azadlıqdan məhrumetmə cəzası gözləyə bilər.
