Festivalda sərgilər, konsert proqramları və uşaqlar üçün əyləncələr təşkil olunur
Elpress.az xəbər verir ki, Göygöl rayonunun Keşkü kəndində III Moruq Festivalına start verilib.Festivalın ilk günündə ziyarətçilərə müxtəlif sənətkarlıq nümunələri, innovativ layihələr, kənd təsərrüfatı və yerli məhsullar təqdim olunur. Tədbir çərçivəsində qədim xalçaların sərgisi və idmançıların nümunəvi çıxışları da nümayiş etdirilir.Proqram boyunca uşaqlar üçün əyləncəli və interaktiv tədbirlər, milli mətbəx nümunələrinin təqdimatı, ictimai iaşə xidmətləri və müxtəlif idman oyunlarının keçirilməsi nəzərdə tutulub.Rəsmi açılış mərasimindən sonra festival musiqiçilərin iştirakı ilə konsert proqramı, DJ çıxışı və film nümayişi ilə davam edəcək.Sentyabrın 6-da keçiriləcək ikinci gün çərçivəsində isə kənd təsərrüfatı və yerli məhsulların sərgi-satışı, sənətkarlıq nümunələrinin nümayişi, qədim xalçalar sərgisi, idman yarışları, uşaqlar üçün interaktiv proqramlar, folklor və rəqs çıxışları təşkil olunacaq.Festivalın ikinci günü axşam saatlarında konsert proqramı və DJ şousu ilə başa çatacaq.
