Aysel Əlibəyli
24 Oktyabr 2026 · 11:43
1042 baxış
Dünya bazarında Azərbaycan neftinin qiymətində artım qeydə alınıb. “Azeri Light” markalı neftin bir bareli 126,59 dollara yüksəlib.
Elpress.az xəbər verir ki, hərracların nəticələrinə əsasən, qiymət əvvəlki göstərici ilə müqayisədə 4,64 dollar və ya 3,8 faiz artıb.
“Brent” markalı neftin dekabr fyuçersləri isə 126,69 dollar səviyyəsində olub. Türkiyənin Ceyhan limanında FOB bazasında satılan “Azeri Light” neftinin bir bareli də 3,54 dollar və ya 3,2 faiz bahalaşaraq 114,89 dollara çatıb.
Qeyd edək ki, Azərbaycanın 2026-cı il dövlət büdcəsində neftin bir bareli üçün orta qiymət 65 dollar götürülüb. “Azeri Light” markalı neft “Azəri-Çıraq-Günəşli” yataqlar blokunda hasil olunur.
