Azərbaycanda 50 kiloqramlıq unun topdansatış qiyməti 29,40 manata yüksəlib
Elpress.az xəbər verir ki, Azərbaycanda 50 kiloqramlıq un kisələrinin topdansatış qiymətləri açıqlanıb.Avqustun 10-dan qüvvədə olan qiymətlərə əsasən, müxtəlif istehsalçılarda unun 50 kiloqramlıq kisəsinin topdansatış dəyəri 26,50-29,40 manat arasında dəyişir.Ən aşağı qiymət “Dəvəçi-Taxıl” MMC-də 26,50 manat, ən yüksək qiymət isə “Azeri-Arapoğlu U.S. və T.LTD” BM-də 29,40 manat müəyyənləşdirilib.İlin əvvəlində isə eyni həcmdə unun topdansatış qiyməti 26,10-28,60 manat aralığında olub. Beləliklə, ilin əvvəlindən qiymətin minimum həddi 40 qəpik, maksimum həddi isə 80 qəpik artıb.Hazırda bir sıra istehsalçılarda qiymətlər belədir:
“ATS MİLL” və “Qarabağ un” MMC-də 28 manat, “Anadoluqida”, “AVETA”, “KARAT HOLDİNQ” və “Ungrano” MMC-də 28,60 manat, “Dəvəçi-Dəyirman” MMC-də 27,20 manat, “Gəncə Dəyirman” MMC-də 28,80 manat, “Nural” MMC-də 28,75 manat, “Osmanlı Taxıl” MMC-də isə 29,20 manatdır.
