Türk Dövlətləri Təşkilatının Baş katibi bildirir türk ölkələri arasında rəqəmsal inteqrasiyanın gücləndirilməsi əsas strateji hədəflərdən biri sayılır.
Elpress.az”-ın Apa.az-a istinadən verdiyi məlumata əsasən, Türküstana ezam olunmuş əməkdaşın verdiyi xəbərə görə, Türk Dövlətləri Təşkilatı-nın Baş katibi Kubanıçbek Ömüraliyev Türk Dövlətləri Təşkilatının Dövlət başçılarının qeyri-rəsmi Zirvə görüşündə bildirib ki, türk dövlətləri arasında elektron pasport və rəqəmsal identifikasiya sistemlərinin tətbiqi istiqamətində ciddi addımlar atılıb. Hazırda Azərbaycan və Türkiyə ilə yanaşı, Qırğızıstan, Qazaxıstan və Özbəkistan arasında da bu sahədə əməkdaşlıq davam edir. O qeyd edib ki, həyata keçirilən təşəbbüslər Türk dünyasında inteqrasiyanın və iqtisadi münasibətlərin daha da güclənməsinə töhfə verir. Baş katib əlavə edib ki, 2024-cü ildə Bişkekdə keçirilən görüşlərdə rəqəmsal iqtisadiyyatın inkişafı və texnoloji tərəfdaşlığın genişləndirilməsi əsas mövzulardan biri olub. Onun sözlərinə görə, türk dövlətləri artıq rəqəmsal sənaye platformalarının yaradılması istiqamətində yeni mərhələyə keçid edir və innovativ texnologiyalar iqtisadi inkişafın əsas amillərindən birinə çevrilir.
