Kənd Təsərrüfatı Nazirliyi 2030-cu ilə qədər intensiv meyvə bağlarının genişləndirilməsini planlaşdırır.
2030-cu ilədək Azərbaycanda yeni intensiv meyvə bağlarının salınması nəzərdə tutulur. Bu barədə kənd təsərrüfatı nazirinin müavini Seymur Səfərli Samuxda keçirilən ərik festivalında məlumat verib.Nazir müavini bildirib ki, planlaşdırılan layihələr sırasında ərik bağları da xüsusi əhəmiyyət daşıyır. Əsas məqsəd fermerlərin istehsal imkanlarını artırmaq, onların fəaliyyətinə dövlət dəstəyini gücləndirmək və kənd təsərrüfatının inkişafına töhfə verməkdir.Seymur Səfərli qeyd edib ki, Samux rayonu əkinçilik və bağçılıq sahəsində böyük potensiala malikdir. Regionun həm daxili bazar, həm də xarici bazarlara çıxış imkanlarının geniş olduğu vurğulanıb.Kənd Təsərrüfatı Nazirliyi fermerlərə dəstəyin davam etdiriləcəyini, məhsulların beynəlxalq bazarlara çıxarılması üçün sertifikatlaşdırma, emal müəssisələrinin yaradılması və digər istiqamətlərdə işlərin aparılacağını bildirib.
