BMT-nin xüsusi təxliyə sxemi çərçivəsində Hörmüz boğazında hərəkətlilik bərpa olunub
BMT-nin Beynəlxalq Dəniz Təşkilatının (IMO) hazırladığı xüsusi təxliyə planı çərçivəsində Fars körfəzində qalan gəmilərin təhlükəsiz şəkildə bölgədən çıxarılması prosesi başlayıb. Təşkilatın açıqlamasına görə, münaqişə səbəbindən ərazidə qalan gəmilər artıq razılaşdırılmış marşrut üzrə Hörmüz boğazından keçid edir.IMO daha əvvəl bildirmişdi ki, uzunmüddətli danışıqlar nəticəsində hazırlanmış bu təşəbbüs yüzlərlə gəminin və təxminən 11 min dənizçinin təhlükəsiz şəkildə boğazdan keçməsinə şərait yaradacaq.Təşkilatın sözçüsü gəmilərin artıq plan əsasında hərəkətə başladığını təsdiqləsə də, keçid edən gəmilərin dəqiq sayı barədə məlumat verməyib.LSEG-in gəmi izləmə məlumatlarına əsasən, son 12 saat ərzində ən azı iki quru yük gəmisi və bir digər yük gəmisi sözügedən sxem çərçivəsində Hörmüz boğazını keçib. Bununla yanaşı, bölgədə qalan və ümumilikdə 5 milyon barel xam neft daşıyan üç tanker də boğazdan çıxıb. Tankerlərdən ikisinin Asiya istiqamətində hərəkət etdiyi bildirilib.
