ABŞ və BƏƏ arasında mühüm görüş: İran razılaşması və regional sabitlik müzakirə olunub
Elpress.az-ın məlumatına əsasən, ABŞ Dövlət katibi Marko Rubio ilə Birləşmiş Ərəb Əmirliklərinin Prezidenti Şeyx Məhəmməd bin Zayed arasında strateji görüş keçirilib.Görüş zamanı ABŞ ilə İran arasında əldə olunmuş razılaşma, eləcə də Hörmüz boğazının açılması istiqamətində atılan addımlar müzakirə olunub.Tərəflər həmçinin ABŞ-BƏƏ strateji əməkdaşlığının inkişafı, regional təhlükəsizlik və Yaxın Şərqdə sabitliyin təmin olunması məsələləri ətrafında fikir mübadiləsi aparıblar.Qeyd edək ki, Marko Rubionun BƏƏ-dən sonra Küveyt və Bəhreynə səfər edəcəyi bildirilib. Bu səfər ABŞ və İsrail tərəfindən İrana qarşı başlanmış müharibənin dayandırılması ilə bağlı razılaşmadan sonra onun ilk yüksək səviyyəli diplomatik missiyası kimi qiymətləndirilir.
