Aysel Əlibəyli
24 İyun 2026 · 19:07
1066 baxış
Azərbaycanda bəzi bankların kart əməliyyatlarında yaranan texniki nasazlığın “Azericard” MMC-dən qaynaqlanmadığı bildirilib.
Şirkətdən verilən məlumata görə, problem banklararası hesablaşma fayllarının emalı zamanı “Azericard”dan asılı olmayan texniki səbəblərdən yaranmış təkrarlanan əməliyyatlarla bağlı olub.Bildirilib ki, təkrarlanmış əməliyyatlar ləğv edilir və istifadəçilərin hesabları mərhələli şəkildə əvvəlki vəziyyətinə qaytarılır. Məsələnin yaxın zamanda tam həll olunacağı qeyd edilib.Qeyd edək ki, Azərbaycan Beynəlxalq Bankı, “AccessBank” və “ExpressBank”ın bəzi kart əməliyyatlarında texniki çətinliklər müşahidə olunub. Həmçinin “Yelo Bank”ın mobil tətbiqində də nasazlıq qeydə alınıb.
