Çindən alınan yeni lokomotivlər beynəlxalq dəhlizlər üzrə tranzit daşımalarında istifadə olunacaq
Elpress.az xəbər verir ki, Orta Dəhliz üzrə yükdaşımaların həcminin artması Azərbaycan Dəmir Yollarının lokomotiv parkının genişləndirilməsi və yenilənməsini zəruri edir.Bildirilib ki, xüsusilə Çindən Azərbaycana istiqamətlənən blok qatarların sayında artım müşahidə olunur. Bu isə dəmir yolu infrastrukturunda müasir tələblərə cavab verən lokomotivlərə ehtiyacı artırır.Çindən alınan yeni lokomotivlərin yalnız parkın yenilənməsi məqsədi daşımadığı, eyni zamanda Azərbaycandan keçən beynəlxalq dəhlizlər üzrə tranzit yüklərə artan tələbatın qarşılanmasına xidmət etdiyi qeyd olunub.Yeni lokomotivlər daha ağır tonnajlı yüklərin daşınmasına imkan verir. Bundan əlavə, iki lokomotivin ardıcıl şəkildə birləşdirilərək vahid briqada tərəfindən idarə olunması daha böyük həcmdə yükün daha uzun məsafələrə daşınmasına şərait yaradır.
