Aysel Əlibəyli
23 İyul 2026 · 23:12
1094 baxış
İqtisadiyyat naziri Mikayıl Cabbarov Çinin aparıcı şirkətlərindən olan “PowerChina Resources”ın prezidenti Yanq Tianfu ilə görüş keçirib.
Elpress.az xəbər verir ki, görüş zamanı Azərbaycan ilə Çin arasında yaşıl enerji sahəsində əməkdaşlığın inkişafı, perspektiv layihələr və qarşılıqlı maraq doğuran istiqamətlər ətrafında fikir mübadiləsi aparılıb.
Tərəflər günəş və külək elektrik stansiyalarının tikintisi, dövlət-özəl tərəfdaşlığı layihələri, enerji sektoru, mineral resursların səmərəli idarə olunması və su ehtiyatları sahəsində əməkdaşlıq imkanlarını müzakirə ediblər.
Görüşdə iki ölkə arasında strateji tərəfdaşlığın genişləndirilməsi və yeni birgə təşəbbüslərin həyata keçirilməsinin əhəmiyyəti vurğulanıb.
