Aysel Əlibəyli
23 İyul 2026 · 22:17
1050 baxış
İşğaldan azad olunmuş Cəbrayıl rayonunda mina hadisəsi qeydə alınıb.
Elpress.az xəbər verir ki, hadisə rayonun Həsənli kəndi ərazisində baş verib. İlkin məlumata görə, 1979-cu il təvəllüdlü Qumlaq kənd sakini Elşən Şəmilov minalardan tam təmizlənməmiş sahədə traktorla torpaq şumlayan zaman minaya düşərək xəsarət alıb.
Faktla bağlı Cəbrayıl Rayon Prokurorluğunda araşdırma aparılır.ANAMA, Daxili İşlər Nazirliyi və Baş Prokurorluq vətəndaşlara mina təhlükəsi olan ərazilərə daxil olmamağı, xəbərdarlıq nişanlarına ciddi əməl etməyi, naməlum əşyalara toxunmamağı və təhlükəli zonalara müdaxilə etməməyi bir daha tövsiyə edib.
