SOCAR-ın qeyri-neft ixracında illik müqayisədə 28 faizdən çox azalma qeydə alınıb
Elpress.az xəbər verir ki, Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsinin cari ilin ilk yeddi ayı üzrə qeyri-neft məhsullarının ixracından əldə etdiyi gəlirin həcmi açıqlanıb.İqtisadi İslahatların Təhlili və Kommunikasiya Mərkəzinin “İxrac İcmalı”nın avqust sayında yer alan məlumatda bildirilir ki, yanvar-iyul aylarında idarə xarici bazarlara ümumilikdə 175,7 milyon ABŞ dolları dəyərində qeyri-neft məhsulu göndərib.Bu göstərici ötən ilin eyni dövrü ilə müqayisədə 68,6 milyon dollar və ya 28,1 faiz aşağıdır.Bununla yanaşı, Azərbaycanın ümumi qeyri-neft-qaz ixracında artım müşahidə olunub. Belə ki, hesabat dövründə ölkənin qeyri-neft-qaz sektorunun ixracı illik müqayisədə 18,3 faiz artaraq 2,5 milyard ABŞ dollarına çatıb.
