Aysel Əlibəyli
02 Avqust 2026 · 14:54
1012 baxış
Azərbaycanda kartdan-karta pul köçürmələri üçün yeni məhdudiyyətlər qüvvəyə mindi
Elpress.az xəbər verir ki, Avqustun 1-dən etibarən ölkə ərazisində kartdan-karta (C2C) köçürmə əməliyyatlarına dair yeni tənzimləmə qaydaları tətbiq edilməyə başlanıb. Yeni Mexanizmə əsasən, bir bank kartı vasitəsilə gün ərzində ən çoxu 5 köçürmə və 5 mədaxil əməliyyatı yerinə yetirmək mümkündür.Bununla yanaşı, kartdan-karta əməliyyatlar üzrə aylıq maksimum məbləğ həddi 20 min manat səviyyəsində müəyyənləşdirilib. Qeyd olunan tənzimləmələr şəxsin özünə məxsus kartlar arasında aparılan pul köçürmələrinə şamil edilmir və bu cür əməliyyatlar məhdudiyyətsiz şəkildə həyata keçirilir.
