Ağdam rayonunda iki gün əvvəl başlayan yanğın geniş əraziyə yayılaraq dörd kəndi əhatə edib.
Elpress.az xəbər verir ki, alovun əsasən Kəngərli kəndi istiqamətində minalardan tam təmizlənməmiş sahələrdə davam etməsi söndürmə işlərini çətinləşdirir.
Məlumata görə, yanğın Göytəpə, Qərvənd, Şıxlar və Bayramlar kəndlərinin ərazilərinə keçib.Hazırda əraziyə Fövqəladə Hallar Nazirliyinin Ağdam Rayon Yanğından Mühafizə Hissəsinin üç yanğınsöndürən avtomobili və şəxsi heyəti cəlb olunub.
Yanğınsöndürənlər alovun keçmiş təmas xəttinə yaxın yaşayış məntəqələrinə yayılmasının qarşısını almaq üçün söndürmə və məhdudlaşdırma tədbirlərini davam etdirirlər.
Qeyd edək ki, mina təhlükəsi yanğının söndürülməsi prosesini xeyli çətinləşdirən əsas amillərdən biri olaraq qalır.
